Politiattest

Norges Idrettsforbund vedtok i mars i år at norsk idrett skal krevja politiattest mot seksuelle overgrep mot barn. På Tysnes har idrettslaga sendt søknader på førehand.

Det er jo mange involverte når trenar- og støtteapparat skal ha seg politiattest. Lensmann Lorentz Lunde opplyser til Tysnesingen at lensmannskontoret har fått ganske mange søknader inn.

– Me skal nok greia å få det unna innan årsskiftet, seier Lunde.

Dei som ikkje har fått politiattest innan den tid, skal heller ikkje ha organiserte treningar etc. med mindreårige.