Nye tider for Mandelhuset

Ein spent og glad Patrick Russell Madsen har denne veka følgt med på når gravemaskina har grave ut på tomta, og reve ned det som til no har vore kjøkkendelen. 

Mandelhuset er inne i ein fase med ombygging og påbygging, lokala skal fornyast og bli større.

Det blir nytt kjøkken, og i tillegg ein heilt ny del med festsal.

Festsalen vil ha plass til heile 72 gjester, og den får eigen inngang og toalett. 

På taket til dette tilbygget vert det ei stor terasse med uteservering som ein kan nytte, og nyte på fine sommardagar.

Konseptet er enno litt under utvikling, men det er heilt tydelig at det blir kysten, kystkulturen og historien rundt kystsamfunnet ein kjem til å satsa på. 

-Me gler oss veldig til dette, det blir eit veldig løft for bedriften, seier Patric R. Madsen.

Me er også veldig glad for at me kan bidra med utvikling på Tysnes!

Fasadeteikningane syner Mandelhuset slik det i framtida kjem til å sjå ut.