Kamp G 14

Torsdag spelte Njardar/Tysnes den utsette kampen mot Harding heime på Reiso. Tysneslaget vann 6 – 2 etter at stillinga ved pause var 2 – 1.

I første omgang hadde Harding eit lite overtak og det var fullt fortent at laget gjekk opp til 1 – 0. To mål av Erik gjorde at Njardar/Tysnes leia ved pause.

Andre omgang byrja med at Harding utlikna på eit frispark. Muren til Njardar/Tysnes gjekk i oppløysing då skotet gjekk, og dermed var Martin sjanselaus. Derifrå og inn overtok Njardar/Tysnes. Spelarane gjekk meir til i situasjonane og ballen vart vunnen høgare på banen.  Den site halve omgangen føregjekk spelet på Harding sin banehalvdel, og sigeren var fortent. Fleire av måla kom etter godt spel. Laget må likevel heva seg dersom ein skal ha håp om å vinna mot Rosendal/Uskedal på tysdag. Rosendal/Uskedal har vunne alle sine 19 kampar i serien.

Kampen var 20 minuttar kortare enn vanleg fordi Harding måtte nå ei ferje på Gjermundshamn.

Desse var med: Martin Bakke, Jakob Lande, Sondre Flygansvær, Erlend Magnussen, Benjamin Tho, Håkon Knudsen, Erik Enes 3, Thomas Hjelland, Alf Inge Stue 2 og Ludvik Dalland 1.