2.plass i NM

NM i oselvar vart arrangert 12.-14.august av Austevoll Seilforening og staden for tevlinga var Møgsterfjorden.

20 båtar stillte til start. “Berserk” frå Siglarlaget Njord/Tysnes med besetninga Jan Vee, Lars Grøteide og Jan Hansen sigla til andreplassen i NM, bak vinnar “Terna” frå Milde Båtlag.

På sjetteplass kom “Seira” med Svein, Åshild og Sindre Økland, medan Kjell Magnus Økland sin båt “Peder” enda på 13.plass.

Oselvaren har blitt brukt som regattabåt samanhengande sidan slutten av 1800-talet og har sidan 1978 vore eigen regattaklasse i Norges Seilforening.