Tysnes Sparebank

Forstandarskapet i Tysnes Sparebank vedtok rekneskap for 2012 på møte 20. februar.

Årsresultat før skatt var 9,19 mill. Styret er nøgd med resultatet og drifta i 2012. Banken har hatt vekst både på utlån med 6%, og innskot med 5%. Vekst i utlån har banken tatt gjennom bustadkredittselskap.

Banken har ei stabil kundemasse og høg innskotsdekning. Pr. 31.12.2012 var innskotsdekninga 97%. Forvaltningskapitalen auka til 984 mill. Tysnes Sparebank er ein solid nærbank og hadde ei kjernekapitaldekning på 17,4% pr. 31.12.11.

Fullstendig årsrekneskap kan du lese på heimesida til banken www.tysnes-sparebank.no Gåvetildelinga vart vedtatt i forstandarskapet på same møte og lista over tildeling finn ein og på heimesida. www.tysnes-sparebank.no
Samla sett gav banken ca kr. 670.000,- i direkte støtte og sponsing til lag og organisasjonar på Tysnes i 2012.

I 2013 feirar banken 150 års jubileum. Det vert stor feiring på hausten 2013, med blant anna bursdagsfeiring 10 august, og jubileumsfest 19. oktober. Program for feiringa er lagt ut på heimesida til banken www.tysnes-sparebank.no

Tysnes Sparebank er Hordaland sin minste bank og ein viktig aktør i lokalsamfunnet. Som liten er vi handlekraftig og har nær kontakt med våre kundar. Vi kjenner kundane våre, og dei kjenner oss. Dette gjev tryggleik og positive resultat for alle partar.

Banken gir lån og garantiar til lokalt næringsliv og privatpersonar i regionen. Vi satsar på vekst og utvikling i Sunnhordland og bidreg i tillegg til vanlege banktenester òg med utleige av lokalar, aktiv sponsing og gode arbeidsplassar. Vi nyttar lokale leverandørar og har samarbeid med kommune og næringsliv. Vi har tatt mål av oss å vere ein kompetansebedrift med lokalt engasjement som satsar på miljø og unge i tida som kjem.

For meir informasjon kontakt:

banksjef Siri Berggreen,

sib@tysnes-sparebank.no, mobil 97 52 94 84.