“Tysnes 4 life”

I går, laurdag 24. juli, hadde Sol Hjertaker utfordra folk til å vera med på “Tysnessåto opp” til inntekt for kreftsjuke Alexandra.

Mange har funne på både da eina og da hitt, både auksjoner og anna, i god, gavmild Tysnes stil. Alt i frå grus til gull, for å støtta Alexandra sin kamp mot kreften.

Sol utfordra folket til å springa opp til Såto frå Myrdal. “Kven klarar å slå meg?” lød utfordringa på.

Fira spreke menn stilte modig til start, og beina oppover urane til Såto.

Sol måtte sjå seg slått av spreke Andreas Langeland, som kom i mål på Tysnes Såto på 27,19 min.

Ruben Kvamsdal kom på tredje.