Driv du eit idrettslag, driv du med kulturarbeid, eller har du eit kulturbygg? No er tida for å søkje om midlar.

Søknadsfristen for midlar til til idrett er 1. mars, medan fristen for midlar til allment kulturarbeid og tilskot til kulturbygg er 31. mars.

Kulturmidlar til idrett 2025

Kulturmidlar til idrett vert gitt til idrettslag på Tysnes. Tilskotet vert fordelt etter ein fordelingsnøkkel vedtatt av Tysnes idrettsråd.

Søkjara må fylle ut rekneskapsskjema, samt sende årsmelding og rekneskap for 2024.

Søknad finn du på Tysnes kommune si side.

Kulturmidlar til allment kulturarbeid

Lag og organisasjonar som driv kulturvern og kulturformidling kan søkje om kulturmidlar.

Søknad finn du på Tysnes kommune si side.

Tilskot til kulturbygg i Vestland

Ordninga er finansiert gjennom spelemidlar, og skal bidra til eigna lokale, bygningar og utearenaer som gjev rom for ulik kulturell verksemd.

Du kan søkje om tilskot til

• kulturhus
• fleirbrukslokale
• spesiallokale for kunst og kultur, som bibliotek, bygg for museum eller andre kulturverntiltak
• scenekunstlokale
• konsertsal
• formidlingslokale for biletkunst
• etablering av livssynsnøytrale seremonirom

Midlane kan nyttast til nybygg, ombygging og modernisering av kulturbygning, men ikkje til vedlikehald eller drift.

Meir informasjon om korleis ein søker, finn du på Tysnes kommune si side.

————————————————————————————————————————————-

Meir om ulike tilskotsordningar i kommunen, kan du lese om her.