Supplement til brannvernet under Tysnesfest

Tysdag 11. juli var det mange som heva augnebryna då denne knallrosa brannbilen viste seg på kaiområdet i Våge.
Bilen vil stå i Våge under Tysnesfest som eit supplement til brannredskapen til Tysnes Brann og Redning. Den vil være bemanna av brannmenn frå Tysnes Brann og Redning dersom det oppstår større hendingar og behov for meir slokkevatn. Tysnes Brann og Redning har døgnbemanna bilane under Tysnesfest, men den rosa bilen vil altså vera eit ekstra supplement i hamna. 

Bilen som bidreg til sikkerhet i dobbel forstand

Vegard Aslaksen, ved Bergen Brannvesen og styremedlem i Brannmenn Mot Kreft, fortel at sjølve bilen er eigd av brannbil-leverandøren Rosendahl AS som har lånt den ut i samband med Tysnesfest. Bilen er foliert rosa sponsa av Rosendahl AS som støttar Brannmenn Mot Kreft, og pryda med Brannmenn Mot Kreft logoar i tillegg til sponsorlogoar. Brannmenn Mot Kreft får nytta bilen i samband med ulike arrangement for å fremja kreftsaka.

Stand under Tysnesfest

Har du lyst å ta ein nærmare kikk på bilen, og få meir info har du høve til det laurdag under Tysnesfest. Då vil Brannmenn Mot Kreft ha eit stand ved bilen for å visa den fram, og setja søkelys på kreftrisiko i brannyrket.

Brannmenn Mot Kreft

Aslaksen fortel at Brannmenn Mot Kreft vart etablert i 2011 som ei gruppe av norske brannfolk. Denne gruppa har til no aktivt jobba for å begrense kreftrisikoen i brannyrket og jobba for at dei brannfolk som utviklar yrkesbetinga kreft skal anerkjennes for dette og ivaretakast på ein rettferdig og riktig måte.

I 2014 vart Brannmenn Mot Kreft formelt stifta som ei forening registrert i Brønnysundregistrene. Foreninga er stifta for at brannfolk kan jobbe sammen om felles mål uavhengig av fagorganisasjonstilhørighet. Brannmenn Mot Kreft samarbeider med Kreftforeninga og andre sentrale aktørar. Dette for å auke bevisstheita og kunnskapen om temaet yrkesbetinga kreft i brannyrket både hos arbeidstakarane, arbeidsgjevarar og hos våre politisk valgte aktørar.