Nyskapnings- konferansen 2014

NYSKAPINGSKONFERANSEN 2014 

Nyskapingskonferansen held i år sin 10. konferanse og har i år ekstra fokus på innovasjon og entreprenørskap. I samarbeid med Samarbeidsrådet for Sunnhordland, arrangerer Atheno Nyskapingskonferansen – onsdag 7. mai, på Høgskolen Stord/Haugesund på Rommetveit, Stord. 

Nyskapingskonferansen har etablert seg som ein fast tradisjon og har vorte ein viktig arena for å henta inspirasjon, utveksla erfaringar, byggja nettverk, samt møta noverande og framtidige samarbeidspartnarar. Konferansen ynskjer å trekkja fram enkeltpersonar og verksemder som har tenkt nytt, tilført eksisterande næringsliv auka konkurransekraft, eller som gir lokalsamfunnet vårt nye tilbod og spanande arbeidsplassar. 

Idar Vollvik til Nyskapingskonferansen 

Vollvik er fiskarsonen som vaks opp som yngst av åtte søsken i Roan kommune på Fosenhalvøya i Sør-Trøndelag. Kanskje best kjent som investor og oppkjøpar av Chess som han selde i 2005 for 2,4 milliard. Pengane skal ha gått tapt, men hans evne til vidare satsing og som gründer av andre selskap, er nok noko som fleire vil ha interesse av høyre. Seriegründeren og ex-milliardæren kjem på Nyskapingskonferansen. 

Fleire innleiarar 

Frå Fevik kjem hotell-direktør ved Strand Hotell, Agnes Berntsen som eigentleg fortel si gründerhistorie og knyter det tett opp mot arbeidslivet og kva for ”mekanismer” som vi alle har i oss og som styrer oss. Med ei fargerik dame som er eit fyrverkeri på scena og som i tillegg nyttar ein del humor i sine innlegg, er me sikre på at deltakarane får energi og perspektiv frå innlegget «Arbeidsglede – rota til mykje godt» – her under vegen fram til “Nye” Strand Hotel Fevik gjennom lidenskap, kunnskap, vennskap, klokskap og litt galskap……. 

Vidare kjem gründer og klokkedesignar Rune Bruvik frå Bruvik Time, Haugesund – her får me høyre historia om den norske ur designaren som satsa på sin store ungdomsdraum; å designe eigne klokker – «Mot alle odds.» 

Rune Dahl Fitjar er professor i innovasjonsstudier ved Universitet i Stavanger, og den yngste professoren ved UiS. Han har særleg jobba med regional innovasjon, og i 2012 vann han Stavanger Forum Pris for Communication of Research for sitt arbeid med regional innovasjon. På konferansen får me høyre «Regional innovasjon i ein global økonomi», som er særleg aktuell med tanke på vår innovative region. 

I tillegg har me mellom anna med oss 2 lokale næringslivtoppar – Administrerande direktør Øystein Matre frå Westcon Yards og administrerande direktør i Olvondo, Rune Kallevåg. Matre «Ville meir enn å leike butikk» og det har han gjort med dei resultat som Westcon kan vise til i dag. Kallevåg var med og tok over avdelinga som Wärtsilä ville legge ned – «Å ta over og snu eit selskap i fart» gir oss innblikk i utfordringar med å ta over etter ei verksemd med lang historie.
Frå Tysnes kjem gründer og husfar på Haaheim Gard, Torstein Hatlevik – mannen som gir alt og meir til for sine gjester og Haaheim gard, som han overtok i 2000 og som folk frå inn- og utland finn vegen til. 

Konferansen 

Høgskolen Stord/Haugesund, Ungt Entreprenørskap, Apply Leirvik og Kværner er samarbeidspartnerar me har knytt til oss for gjennomføring av konferansen. I løpet av dagen vil det også bli premieutdeling til ungdomsbedrifter for beste forretningsplan og beste innovative produkt. 

Kontakt
For meir informasjon,
kontakt prosjektleiar Torill Berge Nøstvåg, Atheno AS, Tlf 918 41 158 

www.nyskapingskonferansen.com