Nøgd etter nyopning

– Det har vore mange kundar innom og som har skrytt over dei nye lyse lokala våre. Dette har medført ein fin auke i omsetnaden vår, seier butikksjef Morten Christensen til Tysnesingen.

Torsdag i forrige veke hadde dei nyopning – og med lengre opningstider.

Det alle lurer på er om det er nokon som handlar fem på elleve om kvelden?
– Det er folk som handlar både seint og tidleg. Også fem over sju om morgonen har me kundar innom her, fortel Christensen.

Han opplyser vidare at dei vil opna post i butikk 5.april. Postekspedisjonen blir like bak kassane på Rimi.

– Dei som har postboks hos Malia i dag vil behalda nøkkelen sin og får samme postboks når me overtar posten, seier han.