God dugnadsånd

Njardar hadde innkalla til dugnad på den nye kunstgrasbanen i dag laurdag. Og det var god respons med nærare førti spelarar og foreldre som møtte fram for hjelpa til.

Arbeidet gjekk ut på å setja opp gjerde rundt området, laga bruer over elv, skru saman mål og ryddearbeid m.m.

Leiar i banenemnda, Bjørn Kongsvik, var svært nøgd med oppmøtet. – Dette var kjempebra og veldig kjekt at så mange kom for å hjelpa, skryt han. Han oppfordrar til ny dugnad neste laurdag igjen (19/11 kl.10:00)

Utlegging av sand og gummikuler tek litt lengre tid enn antatt, så det vil enno gå nokre dagar før banen er speleklar. For alle som var på dugnaden rykka det nok godt i skotfoten å sjå den innbydande banen som snart er klar til bruk.