Fekk læra å baka flatbrød

Tysnes Bygdekvinnelag har denne veka hatt bakedag med Uggdal skule.  Begge 4. klassane har vore på besøk i det gamle Tinghuset, og saman har dei baka flatbrød på takke.  Kjersti Godøy i Bygdekvinnelaget fortel at dette er i høve at Norges Bygdekvinnelag skal markera Frivillighets dagen sundag 16. oktober, som er verdens matvaredag.

16. oktober vil me ha open dag i Tinghuset frå kl 13 – 15, og det blir servert kjøtsuppa med flatbrød til besøkande fortel Godøy.

– Dette arrangementet er opent for alle, og me vonar at spesielt elevar, lærarar og foreldre ved skulen vil koma innom oss.

Foto: Tysnes Bygdekvinnelag