Fantasia, Hysj og solstrålemysteriet

Fantasia gjer klart til bursdagsfeiring og alt er i skjønaste orden,  men så får ho plutseleg besøk av en uventa gjest, Hysj! Han er utruleg frekk og uoppdragen, og hevdar at han kjem frå ein annan planet. Men kan dette stemme?  Og på toppen av alt vil han ta med seg sola! Og alt dette på Fantasia sin bursdag. Makjen!

Ta turen til solstråleøya, og bli med på Fantasia og Hysj si spanande reise.
 
Vertinne og vert under reisa er: Malin Aakre ei ekta Tysneskråka, og Johannes Blåsternes ein ekta Oslogutt.
”Me to møtte kvarandre på Revyskulen i 2007 der me bl.a. reiste rundt på austlandet med ein nummermusikal. I tillegg til fleire revyar, sette me opp barneteater som Pippi Langstrømpe, Emil i Lønneberget og Ronja røverdatter”.

I 2008 starta Johannes på skodespelarutdanninga på Nordisk Institutt for Scene og Studio. No er han nettopp ferdig med Hamlet, og i gang med karakteren Osvald Alving, i Ibsens Gengangere. Hausten 2009 medvirka han i Peer Gynt på Oslo Nye Teater, og han har spela i ei rekke kortfilmar. Det siste halve året har han også vore instruktør for Sandvikarevyen.

Malin, er student ved Bårdar Akademiet med ein kvardag full av dans, song og skodespel. Gjennom dette har ho delteke på både Nobel fredpris-utdelinga og Spellemannsprisen i år. Ellers har Malin vore aktør på Kongsvinger sommarteater, jobba som syngande servitør og div. oppsettingar på Stord, t.d musikalen Fame.