Barnas Turlag

Endeleg er det kome Barnas Turlag på Tysnes! Dette er det nok mange som har venta på, og gleda seg til.

Den nyoppretta gruppa i Tysnes Turlag vil lage turar og arrangement for barnefamilier med barn opp til 12 år. Leiar i Tysnes Turlag, Rebekka Høgestøl vonar mange vil vera med på aktivitetane som kjem framover.- Og me har plass til fleire frivillige, seier ho. Ta gjerne kontakt med enten Rebekka (95551807) eller Arnhild (90073241) om du kan hjelpe til i Barnas Turlag.

-Me er i oppstartsfasen og skal ha månadlege arrangement, som regel den fyrste laurdagen, fortel Rebekka. Det fyrste arrangementet skal vera 3. oktober på Stølane hjå Arnhild S. Lunde!  Då vert det litt småaktivitetar, som å møta dyra på garden samt ulike leikar. Me samlast rundt bålpannna. Koronatiltak vil bli sett i verk, og det er påmelding.
Sjå detaljar på Barnas Turlag Tysnes si Facebookside.