Tappa og klart

Drivhuset ved Lunde Senter er laurdag kveld vertskapshus for Oktoberfest og tyrolermusikk.

Musikken står Midttun pavillion orkester for. Det 15-manns store tyrolerorkesteret spelar ompa heile kvelden og etter meldingar Tysnesingen får inn så stig stemninga i Drivhuset i takt med underhaldninga.

Påtroppande ordførar Kjetil Hestad opna festen og i lag med ein god gjeng utkledde dugnadsfolk var det med og sette sitt preg på opplegget.

Når dette vert lagt ut laurdag kveld litt før halv elleve og du framleis sit heime og lurar, kan du framleis få oppleva tyroler-orkesteret med seidelsvinging og ompa-musikk etter god gamaldags tysk oppskrift.

Billettar vert nemleg seld i døra, så det er berre å ta turen utover kvelden/natta!

Alle bilete: Jarle Petterson.