Mange på stølsmarsj

Stølsutviklar Tore Økland inviterte til årets stølstur til 333 Gjerstadstølen skjærtorsdag. Og det var mange som nytta det fine véret til å ta turen til fjells.

Godt over hundre personar, alt frå 3 år til 70 år, møtte opp. Her var folk frå heile øya og også ein del feriegjester.

Stølsutviklaren framførte to flotte stev, mellom anna BT-stevet der han, med rette, poengerte kor sjeldan eller aldri Bergens Tidende er til stades for å skriva om ting som skjer på Tysnes. Han fekk stor applaus for steva!