Muse på fjerde forsøk

Christian Frugård var ein av mange tysnesingar på Koengen i går kveld på Muse-konsert. Tre gonger før har han tenkt seg på Muse, men det har skåre seg.

I 2006 skulle han oppleva det britiske bandet på Quartfestivalen, men då måtte han jobba under Tysnesfest. I 2007 var billettar klar for konsert på Wembley, men to dagar før avreise øydela han kragebeinet i kamp for Njardar.

Ifjor kjøpte han Muse-billettar til konserten i Oslo, berre for å oppdaga at dei var falske og dermed ingen konsert.

Men i går var han på plass etter å ha vunne to billettar gjennom BA. Og det er denne avisa som i dag serverer historia om Frugård som omsider kom seg på Muse-konsert.