Kulturvandring og vandreteater

Søndag 24/8 var det stor aktivitet og god steming ved Kyrkjevatnet og dagsturhytta. Tysnes Turlag feirar i år 5 år, Tysnes kommune fekk 3. plass i kåring av friluftskommune, og det var også offisiell opning av den nye aktivitetsparken ved dagsturhytta Miklastofa ved ordførar Synnøve Bakke.

Spenninga var stor i Myklestadskogen då teaterkompaniet Eventyr i parken framførte Skogsprinsessa. Vandreteater som er ei heilt unik teateroppleving for barn og unge ute i naturen, var kjekt og underhaldande.

I området rundt dagsturhytta var det kulturvandring med aktivitetar, og underhaldning. Ulike lokale lag og organisasjonar viste fram aktivitetane sine, og det var også boder/stands med lokalproduserte varer.