Babysong i Storstova

Måndag denne veka var det igjen tid for babysong i Storstova på omsorgssenteret.

Fire små jenter og gutar møtte opp saman med foreldra sine, til glede for bebuarane som var til stades. Me song mange kjekke og fine songar, blant anna «Lille Petter Edderkopp» og «Ingen er så trygg i fare», og fekk rista laus på kroppen til trommerytmar med «Babysamba».

Stunda vart avslutta med «Må din vei komme deg i møte» og såpebobler som vart blåste over både små og store.

Etterpå var det litt å bita i for foreldre (og born!), medan småbarnsdrøsen gjekk. Ei veldig koseleg stund i lag!