BROILER avslutter fredagen!

Broiler har vore på Tysnesfest før. Begge gongane har både publikum og frivillige tatt heilt av, for er det noko denne gjengen kan er det å laga ekstreme sceneshow!

Få kunne nok sjå føre seg den enorme veksten i popularitet som Simen Auke og Mikkel Christiansen aka Broiler har oppnådd på kort tid. På berre nokre år – og meir enn 400 millionar Spotify-streams seinare har dei transformert frå litt ukjende YouTube personlegheiter til ein svært etablert og suksessfull DJ/Produsent-duo.

Dei tok for alvor steget inn i ein meir seriøs del av musikk-sfæra i 2015 då låten deira “Wild Eyes” inntok hitlistene i Norge, Danmark og Belgia. Når dei og remixa låten “Shots”, tok det verkeleg heilt av.

Broiler har befesta sin posisjon som ein av dei mest talentfulle produsentane i Noreg, men dei kviler ikkje på laurbæra av den grunn, og gjev ut platinum-singel etter platinum-singel. Hittane “Money”, “Lay it On Me”, “Hurts So Good” og “Do it” er faste innslag på klubbar i heile Europa.

Hittil er følgande artistar lansert til Tysnesfest:

Gjerstad Arena:

Torsdag: Plumbo, Hagle, Halva Priset, Soppgirobygget, Helene Olafsen, Staysman

Fredag: Bjørn Eidsvåg, Chris Holsten, SKAAR, CC Cowboys, OnklP og De Fjerne Slektningene, BROILER

Laurdag: Erlend Ropstad, Ronan Keating, Synne Vo, Return, Stage Dolls, Kjartan Lauritzen, TIX

Andre arenaar:

Bermudateltet torsdag og fredag: Vinskvetten