Vil gje dusør for tips

Tysdag kveld denne veka vart ei grind opna der det beita mange sauer i Uggdalsdalen.

– Om lag 40 sauer vart jaga inn på annanmanns eigedom, hevdar sauebonden til Tysnesingen. Og legg til: – Tysdag kveld vart det registrert ein mørk blå stasjonsvogn i Øvre Uggdalsdalen av to vitner som kan stadfesta hendinga.

Sauebonden lurer på om nokon likar å skapa nabokonflikt på Tysnes og vil melda saka til politiet.

– Tips kan gjevast til politiet og det vil bli dusør på tips, sluttar bonden.