Torsdagsturen på fyrste vårdagen

18 personar vart skyssa ut til Store Godøy frå Gåsavik torsdag, 4. april. Tolleif Henanger skyssa oss ut i tre vender med seks passasjerar kvar gong.

På Store Godøy var våren kome litt lenger enn snittet på Tysnes. Ramslauken hadde laga teppe på bakken med opningar der kusymra spratt fram.

På vegen ut til Austrevågen varma vårsola godt, og “ho vi kjenner” sjekka badetemperaturen.

Ei stor takk til Tolleif som tok oss med ut ein stad der vi vanlegvis ikkje dreg.
Neste torsdag møtest vi ved ridebana på Myklestad og ruslar ei løype som hittil er uutforska.

Tekst og foto: Per Verne Aase, Tysnes Frivilligsentral