Opning på laurdag

Dei siste dagane har det kome ein heil del snø på Kvamskogen, berre dei to siste dagane kan Eikedalen skisenter melde at det har kome 30 cm nysnø. 

– Vi har no cirka 70 cm med snø nede og over 1 meter oppe i fjellet. Det er difor gledeleg å kunne meddela at vi opnar for sesongen laurdag 13. desember, seier dagleg leiar Fredrik Tønjum til Midtsiden.no

– Laurdag opnar vi Setertrekket, Tallerkentrekket, Veraheisen og Tobiasheisen. Dei store snømengdene vi har fått gjer at vi også opnar Tvillingtrekkene i helga.

Fram mot jul er det kun ope i helgene, medan i romjula er Eikedalen open kvar dag.

Dei vurderer fortløpande om dei også skal ha ope nokre kveldar.
Du får med deg siste nytt om opningstider ved å følge med på facebooksida deira.

Furedalen
I Furedalen Alpin håpar dei på oppstart neste helg i bakken. Oppkøyring av langrennsløyper er dei alt i gang med.

Dei har 50 cm snø i terrenget og 70 på toppen.