Årets innsamlings-aksjon

Etter innsamlinga var ferdig i går var det i følgje nrk.no kome inn 56,13 kr. pr. innbyggjar i Tysnes kommune. Dette plasserer oss på 14. plass av kommunane i Hordaland når ein ser på snittet pr. innbyggjar.

På topp ligg nok ein gong Modalen med eit snitt på imponerande 173, 38 kr.

På Askøy gav dei minst med 39,36 kr. pr. innbyggjar.

Snittet i Norge var på 46,96 kr, tilsaman vart dette 239 818 529 kr. som skal nyttast til arbeid for reint vatn.

Oversikt over kva innbyggjarane i våre nabokommunar gav i snitt:

Fitjar: 89,28

Bømlo: 75,78

Fusa: 71,13

Kvinnherad: 54,44

Os: 49,09

Bergen: 46,48

Stord: 43,51

Austevoll: 42,67

Samlar inn pengar til reint vatn
Årets TV-aksjon går til Kirkens Nødhjelp, og målet er å sikra reint vatn til ein million menneske.
Aksjonen har fått namnet «Vann forandrer alt», Det er 8 land som er valgt ut, der pengane skal nyttast: Haiti, Afghanistan, Pakistan, Somalia, Sør-Sudan, Sudan, Etiopia og Tanzania.

Pengane vil gå til brønnboring, installering av handpumper, laga system for oppsamling av regnvatn, avsalting av grunnvatn samt andre tiltak som er effektive ved dei lokale forholda.