Johannes Heggland – forteljaren

Først på programmet står ein kveld som er vigd minnet etter forfattaren og historikaren Johannes Heggland. Filmen “Johannes Heggland – forteljaren” som vart laga av Hans Edvard Olsen året før Johannes Heggland døydde i 2008, blir vist.

Før filmen vil den eldste dottera Marianna Heggland Brungot fortelja om faren slik ho kjende han.

Det er elles laga til eit rikhaldig program, med opplesing av til dels ukjende tekstar av Johannes Heggland v/ Knut Rage og Nils Magne Singelstad, samt ein presentasjon av Tysnes sogelag sine bokutgjevingar av og om Johannes Heggland, ved formann i sogelaget Mikal Heldal.

Bøkene og filmen vil vera for sal i pausen.

Som vanleg er det sett av rikeleg tid til ein kaffidrøs.

Sal av kaffi og noko å bita i.

Tid og stad: Sundag 21. september kl 17, biblioteket i Tysneshallen.

Gratis adgang.

Arr. Tysnes folkebibliotek