G 16

Trott 2 var motstandar då Njardar/Tysnes 2. pinsedag gjesta Prestegardskogen. Njardar/Tysnes vann 5 – 1 etter til tider godt spel.

I første omgang hadde Njardar/Tysnes eit lite overtak og gjekk opp til 2 – 0 før Trott fekk straffe som dei sette i mål. I andre omgang pressa Njardar/Tysnes vertane tilbake på banen, men laget sleit med å spela seg gjennom forsvaret til Trott. Det var mykje fint pasningsspel å sjå, og laget fekk ros av leiarane til Trott. Likevel spelte Njardar/Tysnes trangt når laget nærma seg 16-meteren, samstundes som Trott låg med mange spelarar i forsvar. Dermed vart det lite rom for Njardar/Tysnes. Dette er noko laget må øva på fram mot neste kamp som er laurdag 14. juni kl. 1130.

Njardar/Tysnes leverte igjen ein god kamp. Når spelarane er opptekne av å spela saman og gjera kvarandre gode, flyt spelet fint. 

Desse laga måla. Jonas 2, Ørjan, Alf Inge og Johannes

Desse var med. Martin Bakke, Sondre Flygansvær, Ørjan Pettersen, Elvis Kalvans, Kenneth Dalland, Sindre Økland, Håkon Knudsen, Erik Enes, Johannes Haugsgjerd, Jonas P. Fosså, Lars Even Stue, Alf Inge Stue og Vegard Kleppe