Fotballens Dag søndag 6. april

Føremålet med Fotballens Dag er å invitera alle interesserte til å vera med på fotballaktivitet denne dagen og vidare utover sesongen. For ein del er det første gongen ein snører på seg fotballskor og deltek i leiken. Njardar/Tysnes  ønskjer også å visa fram den store aktiviteten som er i klubben.

Klubben har fått gode trenarar til alle laga som er påmeldt i seriesystemet slik at ein er godt førebudd til å ta seg av dei som kjem på Fotballens Dag og til å gjennomføra trening og kampar i løpet av sesongen.

6. april startar dei yngste kl. 1200. Kampane vert organisert av trenarane. G 16 og A-laget vil prøva å få eksterne motstandarar.

Njardar/Tysnes vil koma tilbake med endeleg opplegg i slutten av mars. Me håpar mange vil delta i aktiviteten på Fotballens Dag. Me håpar også at føresette møter fram.

Njardar/Tysnes