Earth Hour

Ordførar Kjetil Hestad oppfordrar Tysnesingane til å sløkkje lyset i en time

i dag, laurdag 23.3, kl 20.30-21.30

Då er det femte gang WWF-Norge arrangerer Earth Hour.

Norge var offisielt med for fyrste gong i 2009.
I 2010 deltok 1.8 millioner nordmenn over 18 år. Og på verdsbasis sløkte 4616 byer lyset i 128 land.

Wikipedia skriv litt om historikken til dette tiltaket:
Earth Hour er ei verdsomspennande symbolsk markering der folk over heile verda vert oppfordra til å sløkkje lyset ein time for klimaet. Det er naturvernorganisasjonen WWF (World Wide Fund for Nature) som står bak kampanjen, som vart avholdt for fyrste gong i Australia. Den symbolske markeringa har som formål å auke bevisstheita rundt klimaproblematikken ved å få privatpersonar, verksemder, myndigheiter og organisasjonar til å slå av elektrisk lys i éin time.

Earth Hour såg dagens lys i Sydney, Australia i 2007 der to millionar deltok. I 2008 hadde det blitt ein global bevegelse der 50 millionar menneske i 35 land deltok. I 2009 hadde det blitt verdas suverent største klimakampanje. Bortimot ein milliard menneske var med. På deltagarlista var 88 land og 4000 byer. Over heile verda sløkte kjente ikonbygg lyset, blant dei til dømes pyramidane i Giza, Frelserstatuen i Rio og Fugleredet i Beijing.