Spennande mulighet

Det er inngått ein intensjonsavtale mellom Statkraft, BKK, SKL, Sognekraft og Haugaland Kraft om overtaking av Statkraft sin aksjepost i BKK. Tysnes Kraftlag eig 4,99 prosent av aksjane i SKL.

Statkraft sin eigarpost på 49,9 prosent i BKK skal no ut på sal. I intensjonsavtalen står det at SKL skal kjøpa 34 prosent av BKK, og verdien av denne aksjeposten er blitt estimert til 6,8 milliardar. 

Det er arbeidd i 3 år for å komma fram til intensjonsavtalen. Det er mykje som skal på plass før ein endeleg avtale seier Magne Heimvik konsernsjef i SKL. 

-Dette er spennande, seier Steinar Austefjord, dagleg leiar i Tysnes Kraftlag Sa til Bladet Sunnhordland. -På den eine sida vil dette utvikla kraftselskapa på Vestlandet. Eigardelen i SKL har også vist seg å vera ein god inverstering for Tysnes Kraftlag. Dersom SKL no veks og me sit på same aksjeposten, ser me for oss at dette vil gje forteneste til Tysnes, seier Austefjord.