TYSNES SPAREBANK CUP 2015

Njardar/Tysnes ynskjer alle lag velkomen til den 19. ”gate-cupen” på rad.

44 lag er påmeldt til cupen i år fordelt på 14 damelag og 30 herrelag.
Totalt skal det avviklast 95 kampar.

Klasse 1, 2 og 3 vert spelt som 7-ar fotball på bane ca. 40m x 60m.

Klasse 4 og 5 vert spelt som 5-ar fotball på bane ca. 25m x 40m.

Klasseinndeling: klasse 1: ”Lettbeinte menn” – inntil 2 aktive pr. lag

klasse 2: ”Sårbeinte menn”  – ingen aktive på laga

klasse 3: ”Stivbeinte menn” – frå og med 40 år og oppover

klasse 4: ”Lettbeinte damer” – inntil 2 aktive pr. lag

klasse 5: ”Sårbeinte damer” – ingen aktive på laga

REGLAR:

Klasse 1, 2 og 3 vert spelt som 7-ar fotball, dvs. 1 keeper og 6 utespelarar på banen samstundes og det kan nyttast 4 innbyttarar.

Klasse 4 og 5 vert spelt som 5-ar fotball, dvs. 1 keeper og 4 utespelarar på banen samstundes og det kan nyttast 3 innbyttarar.

NB!! 

Med aktive i klasse 1 meiner me alle spelarar som har spelt seriekampar f.o.m. 5 div. og høgare i 2015. 

I klasse 2 og 5 kan det ikkje vera med aktive, uansett nivå, dvs. ingen som har spelt seriekampar i 2015, alt frå aldersbestemt fotball t.o.m seniorfotball.

Med aktive i klasse 4 meiner me alle som har spelt seriekampar i 2015, alt frå aldersbestemt fotball t.o.m seniorfotball.

Spelarar f.o.m 40 år og oppover vert ikkje rekna som aktive, uansett klasse.

NB!! Ein spelar kan kun delta på eitt lag.

For øvrig vanlege spelereglar etter NFF’ sitt reglement for 7-ar fotball.

Me gjer i den samanheng merksam på følgjande:

– keeper kan kasta/sparka ut ballen når ballen har vore over «dødlinja» eller etter redning, men 

   ikkje over midtbanen. Ballen er først i spel når den er utanfor målfeltet.

 – vanlege reglar vil gjelda ved evt. utvisningar, dvs. det kan ikkje setjast innpå spelar for den 

   som vert utvist. Grad av overtredelse vil avgjera om spelaren må stå over neste kamp.

– Spelarar som evt. ikkje nyttar leggskinn, gjer dette på eige ansvar. Alle spelarar vert 

   oppmoda om å nytta leggskinn.

NB!! Lag som nyttar meir enn 2 aktive i klasse 1 og 4 vert diskvalifisert!!

KAMPAVVIKLING:

Innleiande rundar fredag kveld og laurdag. Sluttspel søndag.

Innleiande rundar vert spelt som serie.

I klasse 1 går dei 2 beste laga i kvar gruppe vidare til sluttspelet samt dei 2 beste trear-laga. 

I klasse 2 går dei 2 beste laga i gruppe B og dei 3 beste laga i gruppe A og C vidare til kvartfinale.

I klasse 3 er det 5 lag med og det vert spelt ein enkel serie som vert avslutta laurdagen.

I klasse 4 er det 5 lag med og det vert spelt ein enkel serie som vert avslutta laurdagen.

I klasse 5 går dei 2 beste laga i kvar gruppe vidare til semifinale.

Sluttspel vert arrangert som cup. Ved uavgjort resultat i sluttspelet vert kampane avgjort med straffekonkurranse.

SPELETID:

2 x 13 minutt pr.kamp med maks. 2 min. pause

LAGOPPSTILLING:

Oppmøte med registrering i sekretæriatet min. ein halv time før kampstart. 

Kvart lag må levera inn liste med namn på spelarane sine seinast ein halv time før laget sin første kamp. Merk av på spelarlista kven som er aktive i klasse 1 og 4.

Spelarlista kan ikkje endrast etter den er levert inn før første kamp.

JURY:

Arrangør-nemda er også jury-nemnd. Evt. protestar må leverast skriftleg til sekretæriatet min. 1 time etter at kampen er ferdig. Protestgebyr kr.200,- (vert refundert dersom protesten vert teken til følgje).

PREMIAR:

Premie til dei 4 beste laga i kvar klasse bortsett frå klasse 3 og 4 der nr.1, 2 og 3 vert premiert.

Lagpremie og premie til kvar spelar for dei to beste laga i kvar klasse. Lagpremie til tredjeplassane, dvs. tapande semifinalister.

Fair Play pris (gjeld felles for alle klasser).

Premieutdeling for klasse 3 og 4 om laurdagen, og søndagen for dei andre klassane når alle finalane er ferdigspelt.