Størst på Tysnes

Prydbusken er planta av amtsgartnar Claus Pavels Riis i hagen på Nymark for meir enn 150 år sidan. Han var amtsgartnar i Søndre Bergenhus i perioden frå 1859 til 1864 og planta ei rekkje buskar og tre heime på Nymark. Nokre av trea han planta i haugen like ved det gamle, store våningshuset, er no blitt kjempestore.

Diameteren på den store, gamle rhododendronbusken er mellom 12 og 13 meter.

Rhododendron er brukt som prydplante over det meste av kloden. Den veks frå havnivå til 6.000 moh, frå tropene og heilt nord til dei artiske stroka på jorda.  Dei fleste ”ville” buskane veks i Asia.
 Claus Pavels Riis er mest kjent som forfattar – og for å ha skrive songen ”Eg heiter Anne Knutsdotter” –   ”nasjonalsongen” til Tysnes.