Spelt for 8 lag

Denne vinteren meldte Rikke Vermedal frå Uggdaldalen overgang frå Njardar/Tysnes til SST (Samarbeidsklubben Stord-Solid-Trott). I går debuterte den lovande 14-åringen for damelaget til SST då dei møtte Rubben/Bremnes til kamp.

Rikke kom inn som venstreback midtvegs i fyrste omgong på stillinga 0-2. SST vann til slutt kampen 7-4. Tysnes-jenta hadde litt startproblem dei fyrste minutta, men spelte seg stort opp etterkvart, i følge rapportar frå Stord.

Dette var Rikke sitt åttande lag ho har spelt på siste året: Njardar småjente, Njardar damelag, Njardar gutelag, Stord jenter 14, Stord jenter 16, SST damelag, kretslag og sonelag.