Sopptur med soppkontroll

Det har no blitt ei årleg hending, å plukka sopp i Myklestadskogen, og få den kontrollert etterpå. Tysnes vert av mange rekna som «soppens eldorado». Her finn du mykje gamal skog, noko som sopp likar, og utvalet av artar er stort.

Dei siste åra har me hatt ein arrangert tur med etterfølgande soppkontroll lokalisert ved Dagsturhytta. Då har det stilt kontrollørar frå Bergen sopp- og nyttevekstforening, som har hatt ein guida tur i skogen for å finna sopp, for så å få den kontrollert etterpå.

I år startar turen ved parkeringsplassen for Kyrkjevatnet friluftsområde. Laurdag 13. september kl 13.00.
Turleiarar stiller med refleksvestar og vil visa kvar i skogen ein kan finna sopp.

Sjølve soppkontrollen finn stad ved Dagsturhytta frå klokka 14.30

Det vil og vera ei utstilling av sopp ved dagsturhytta – ein ypparleg anledning til å læra meir.

Sopptur Uggdal på Tysnes

Soppkontroll, Uggdal på Tysnes

Vel møtt, bli med på ein kjekk tur!

Astrid Dalland