Slektstreff

Med smått og stort var det over hundre personar på slektstreff på Epland laurdag ettermiddag. Dette var etterkomarane etter Endre Bergeson Epland (1876-1927) og Elen Jonette Olaisdtr. Hollekim (1888-1922) på bruk 1 på Epland.

Endre og Elen hadde seks born og mange kom langvegs frå i dag for å sjå garden dei kom frå. Først var det samling i Flatråker bedehus med middag og forteljingar om slekta, før ferda gjekk til Epland der det var kaffi, brus, kaker og god drøs blant forsamlinga.

Det var Ingeborg Tysnes, Bjørn Helge Epland og Anna Sofie Epland som stod som initiativtakarar til treffet.