Siger og uavgjort

Den første kampen var mot Kvinnherad. Gjestene tok leiinga, men godt keeperspel og forsvarsspel la grunnlaget for at Tysnes henta seg inn att i kampen. Det var likt fram til midtvegs i 2.omgang. Då gira Tysnes opp eit hakk, scora fire mål på rad og vann til slutt 10-6.

I den andre kampen var det Stord 3 som stod på motsatt banehalvdel. Tysnes opna svært bra, leia med eit par mål og førte kampen i starten. Men så kom stordingane meir med og utlikna. Laga følgte kvarandre tett gjennom resten av kampen. Spelet bølga fram og tilbake og kampen enda uavgjort 8-8.

Desse var med: Ida Solheim, Mari Meland, Hedda Singelstad Kaasa, Malene Kristine Alsaker, Malene Skår Hagen, Karoline Hauge Hansen, Trine Gundersen, Martine Ludvigsen, Anette Dalland, Oda Aarbakke, Anni Lise Dalland.

Tekst & foto: Silje Epland Hansen