Oppfordrar til ein frisk start på årets Tysnesfest

Svingen Puls har sidan 2015 arrangert Ramnanuten Opp i samband med Tysnesfest helga. Ved oppstart var løpet delt inn i tre ulike klassar, born, dame og herre. Året etter fekk ein inndeling i mosjons- og konkurranseklasse, og i 2018 kom ei eiga ungdomsklasse.

Dette året vert bedrifter spesielt invitert til å stilla på det populære løpet som vert arrangert 10. juli.
Svingen Puls freistar med gåvekort til bedrifter som greier å stille med 5 eller fleire deltakarar. -Det er også mogleg for mindre bedrifter å slå seg saman, seier Marthe G. Birkeland ved Svingen Puls.