Månadens gjenstand på biblioteket

Førre månaden var det ei gammal reknemaskin som stod stilt ut. I november månad vil publikum sjå ein 140 år gammal ambar som i si tid tilhøyrde Marto Kalvavikjo, og som seinare befann seg meir enn seksti år i Amerika før den kom attende til Tysnes. I perioden 1947 til 2008 farta ambaren kringom, og var både i Seattle og Portland og Beaverton i staten Oregon før eigaren omsider fann ut at no fekk det vera nok – ambaren skulle heim att til gamlelandet. 

Den rosemåla ambaren er truleg måla av “Målare-Lars’n” på Onarheim. Marto Kalvavikjo fekk den i si tid av folket sitt inne på Nesthus. I dag er det Einar Skjellevik som er eigar. Stikk du innom biblioteket kan du få ta ein nærare kikk på ambaren.