Indre mest realistisk

Bru frå Jektevik til Hodnanes. Veg på austsida av Tysnes og ny bru over Lukksund. Ny E39 langs eksisterande veg fram til Eikelandsosen. Dette er det mest realistiske alternativet til ny kyststamveg seier Bjørn M. Alsaker i Statens Vegvesen til Os og Fusaposten.

Vidare frå Eikelandsosen vil det gå bru over til Bogøy og deretter ei flyte- eller hengebru rett over fjorden til Os.

– Dette er det billegaste og kortaste mellom Bergen og Stord. Dessutan får me ei kopling opp mot indre Hardanger, Odda og Oslo med dette vegvalet, seier Alsaker.

Dette trasevalet vil kosta 9 milliarder og er det rimelegaste for å få ein ferjefri kyststamveg.