Haustutstilling – ”Englar i hjarterom”

Helga 12. og 13. nov er det duka for ny, spennande utstilling i Dokkegalleriet då Liv Sundal, keramikk og Britt Kjellesvik Rage, tekstil stiller ut i lag.

Liv Sundal har hatt eige studio frå 1989, først spennande år på Tysnes og deretter 6 innhaldsrike år med verkstad og butikk i Bergen sentrum. Ho har no etablert verkstad heime i Knarvik, Lindås kommune. Liv har utdanning m.a. frå Danmarks Designskole København keramikk/design 1982 – 1987. Liv bruker det vakre beinporselenet som uttrykksmiddel. Detaljar frå maritim natur pregar ofte arbeida hennar. Ho lagar både bruksgjenstandar og abstrakte skulpturar. Liv  har hatt ei rekkje separatutstillingar og prosjekt, har delteke på mange gruppeutstillingar og er m.a. innkjøpt av  Fiskeridirektoratet og Bergen Kommune. Ho har også hatt fleire undervisningsoppdrag og er representert på ei rekkje galleri på Vestlandet.

Britt Kjellesvik Rage har frå år 2000 drive Dokkegalleriet. Ho samlar også opplysningar om eldre draktmateriale og har halde foredrag og skrive artiklar om emnet. Britt har delteke på ei rekkje kunstutstillingar og dokkene har vore stilt ut på museum. Dokkene har vore omtala i både norske og utanlandske tidsskrift. Ho held også kurs i dokkelaging. Britt har m.a. teke delfaga Drakt- og samfunn I og II ved UIB og NTNU. Ho har spesialisert seg på dokker i folkedrakter, men skapar også andre ting innan tekstil. I dei siste åra har ho arbeidd mykje med gjenopptaking av gamle drakttradisjonar.

Laurdag 12 og søndag 13. november kan publikum sjå utstillinga i Dokkegalleriet, på Gjerstad, ved innkøyringa til Tysnes kyrkje.