Haustutstilling

I Galleriet på Breidablikk/Dokkegalleriet på Tysnes, 24. og 25. oktober.

Helga 24. og 25. oktober er det duka for ny, spennande utstilling i Galleriet på Breidablikk/ Dokkegalleriet på Tysnes med keramiker Liv Sundal.

Liv Sundal har hatt eige studio frå 1989, først spennande år på Tysnes og deretter 6 innhaldsrike år med verkstad og butikk i Bergen sentrum. Ho har no etablert verkstad heime i Knarvik, Lindås kommune. Liv har utdanning m.a. frå Danmarks Designskole København keramikk/design 1982 – 1987.

Liv bruker det vakre beinporselenet som uttrykksmiddel. Ho blir inspirert av det som spirer og gror i naturen, og detaljer frå maritim natur pregar ofte arbeida hennar. Ho lagar både bruksgjenstandar og abstrakte skulpturar. Liv har hatt ei rekkje separatutstillingar og prosjekt, har delteke på mange gruppeutstillingar og er m.a. innkjøpt av Fiskeridirektoratet og Bergen Kommune. Ho har også hatt fleire undervisningsoppdrag og er representert på ei rekkje galleri på Vestlandet. I 2014 fekk ho oppdraget med å laga alterutstyr og dåpskål til Knarvik kyrkje.

Laurdag 24. og søndag 25. oktober kl 12 – 17 kan publikum sjå utstillinga i Dokkegalleriet, i sveitserhuset på Breidablikk frå 1907, idyllisk ved ein sildrande bekk. Galleriet ligg ved Tysnes kyrkje.

Kontaktinformasjon: Britt Kjellesvik Rage
 Tlf. 986 54 110
dokkegalleriet@gmail.com