Gradert til svart belte 2.Dan

Camilla Straumsnes bur i Fusa, men har besteforeldra Willy og Oddbjørg Straumsnes i Våge. 15-åringen er fast  inventar på juniorlandslaget i Shotokan karate JKA og konkurrerar i Kata (mønster) og Kumite (kamp), der ho er regjerande norgesmeister i begge deler.

Faren Øyvind Straumsnes fortel til Tysnesingen at i vår var Camilla ein av Norges seks utøvarar i JR EM i Tsjekkia og tok der sølv i kumite.

– I fjor tok ho bronse i Kata i EM i Beograd (Serbia) og er dermed einaste utøvar gjennom tidene for JKA Norway (Japan Karate Assosiation) som har tatt EM medalje i begge greiner, fortel han.

Han seier at dottera trener omlag fire gonger i veka i tillegg til eigentrening, cupar og landslagssamlingar.