God vasskvalitet i Rogalandsfjordane

Alsaker Fjordbruk AS har saman med  Bremnes Seashore AS, Eidesvik Laks AS, Erfjord Stamfisk AS, Feøy Fisk AS, Grieg Seafood Rogaland AS og Marine Harvest AS engasjert Blue Planet AS* for å koordinera eit banebrytande og langsiktig overvakingsprosjekt i Rogalandsfjordane.

I tillegg  oppdrettarane, bidreg også  Rogaland Fylkeskommune og Ryfylke Fondet til finansieringa av prosjektet.

Gjennom prosjektet ”Marin Overvåking Rogaland” gjennomfører Blue Planet AS den mest omfattande kartlegginga i kystvatn av noko fjordsystem i Noreg.

Oppdrettarane i Rogaland ønskjer framtidig vekst for bransjen, basert på kunnskap om bærekraft. Overvakningsprosjektet for Rogaland vil overvaka fjordmiljøa i Rogaland ved å framskaffa langtids dokumentasjon av tilhøva for næringssalt, makroalgar og botntilhøva.

Prosjektet skal gå over 10 år og dokumentera bærekraftig oppdrett i Rogaland, samt framleis moglegheit til vekst med omsyn til  fjordane sitt innhald av næringssalt, vekst av makroalgar (tang og tare) og botntilhøva.

Prøvetakingane og analysane vert utført av 3. parts aktør, UNI Miljø – SAM Marin og har no gått føre seg månadleg frå mai 2010 til januar 2011. Prosjektet held fram i same omfang som tidlegare.

2. mars 2011 publiserte Blue Planet AS ein ny statusrapport for prosjektet. Rapporten konkluderar med at det er god vasskvalitet i Rogalandsfjordane med omsyn til  på siktedjupn, næringssalt og klorofyll a.

Blue Planet AS publiserte i november 2010 ein statusrapport for makroalgar som er tekne ved 21 lokalitetar i Rogaland. Analysane viste vekst av sukkertare og stortare på lokalitetane.

Vidare undersøkingar vil bidra til god kunnskap om vasskvaliteten i Rogalandsfjordane.

Fullstendige rapportar m.m. er tilgjengelige på www.blueplanet.no eller du finn dei her

* Blue Planet AS er en non-profit nettverksorganisasjon som held til på Måltidets Hus i Stavanger