Vil ha veg på vestsida

Det er Sunnhordland som skriv i dagens avis at oppsitjarane på Skorpo har sendt eit protestskriv til nemnda frå Stord og Tysnes. Nemnda har nemleg tidlegare gått inn for at trafikken til og frå Huglo på eit framtidig fastsamband skal gå på den gamle bygdevegen på austsida av Skorpo.

Oppsitjarane meiner at “Vestalternativet” vil vera meir framtidsretta både for folket på Skorpo og Huglo. Blant fordelane med dette alternativet er køyretida over Skorpo vert halvvert, noverande bumiljø på Skorpo vil unngå auka trafikk, og dette vert meir miljøvennleg og ha tilleggsfordelar, m.a. vegutløysing for to gardar og tilgang til ressursar på Skorpo.