Tilskot til bustadsosiale tiltak

Arbeids- og velferdsdirektoratet har innvilga kr. 410.000 i statstilskot til bustadsosiale tiltak i Tysnes kommune  i 2012. Tilskotet skal nyttast til prosjektstilling.

Midlane vert tildelt for eit år av gangen – maksimalt inntil tre år.

Hovudføremålet med tilskotsordninga er å førebyggje og motarbeide bustadløyse, styrkje og utvikle dei ordinære tenestene i kommunane, slik at dei betre kan bidra til å dekkje behovet den einskilde har for oppfølging i eigen bustad.

Prosjektet i Tysnes skal særleg rettast inn mot ungdom og yngre vaksne i etableringsfasen, ungdom med rusproblem og funksjonshemma.