Større ferjelem

Det er Bladet Tysnes som skriv denne veka at Våge kai skal utvidast for 6-8 millioner kroner.

Ferjelemmen skal bli ni meter brei og femten meter lang, og det vil også bli vurdert om piren skal forlengjast. Den nye gassferja vil nemleg vera 27 meter lenger enn M/F Ullensvang som går Våge – Halhjem i dag.

Kortid arbeidet vil byrja er enno ikkje avklart. Men når arbeidet vil ta til, vil kaien bli stengt i to dagar og tre netter medan arbeidet pågår. Då vert alternativet for bilistane å køyra rundt, medan det kan bli aktuelt å setja inn snøggbåt for persontrafikken, melder Bladet Tysnes.