Kongen kosta

Sunnhordland skriv at utgiftene Tysnes kommune hadde med kongebesøket 16.juni kjem på 121.239 kroner.

Formannskapet har gjort vedtak om at pengane vert dekka over tilleggsløyvingar og 50.000 kroner frå avsette midlar til Olavsgildet, skriv avisa. Buss- og drosjetransport, gåver, blomar, lyd- og stolutleige, samt tilskot til Galleri Elisabeth G var mellom det utgiftene gjekk til.

Ordføraren slår imidlertid fast at kongebesøket gav god PR for kommunen, og at dei hadde fått helsing og ros frå fylkeskommunen for gjennomføringa av den store dagen.