Strenge smitteverntiltak på Tysnes skule

Skulestart i 2021 vart ikkje heilt slik ein hadde planlagt. Nye og strengare tiltak er sett i verk frå 3. januar.

8-10 trinn er no på raudt nivå og dette gjeld i 1.omgang fram til 18.01.21. Tiltaka påverkar skulekvardagen til elevar og lærarar på Tysnes skule.

.

I dag, mandag 4. januar heldt skulen stengt for elevane slik at lærarar og tilsette fekk førebu seg på ein skulekvardag på raudt nivå.

Rektor ved Tysnes skule, Cicilie Mette Lund, fortel at dei no har dei nye retningslinjene på plass.

Elevane fekk før jul tildelt eit friminuttområde før jul. Her skal elevane møte i morgon, læraren som har dei i fyrste time vil henta dei der. All undervisning vert i klasseromma, ikkje i spesialromma. -Det vert 1 meters grense både inne og ute, seier Lund. Ingen klemming og nærkontakt skal føregå.
Etter skuledagen i morgon vil vi evaluere korleis tiltaka verkar.

.

Skuleskyss
For elevar ved ungdomstrinnet anbefaler ein bruk av munnbind i skuleskyssen, og at ein sit saman med kohorter eller familiemedlemmer.
– Vi vonar likevel at flest mogleg gå, syklar eller blir køyrd til skulen, seier Lund.