Jazz-pub

Tysnes musikklag har gjennomført første seminardag med Olav Dale.

– Me kan lova at dette blir ein konsert med fynd og klem. Dette er sjeldan kost å kunna tilby på Tysnes, opplyser Helge Ingebrigtsen i musikklaget til Tysnesingen.

Laurdag 21.mars klokka 20 blir det konsert i Grendatun. Solisten Olav Dale er eit fyrverkeri, og ein av Norges topp jazzmusikarar, som vil framføra ei rekkje av sine eigne arrangement, informerer Ingebrigtsen.

– Heile musikklaget har latt seg inspirera og jobbar hardt mot konserte laurdag i Grendatun, seier han.

Etter konserten vert det dans med Vidar Høviskeland.