Ny gang- og sykkelveg

Det smale partiet frå Onarheimselva og om lag 300 meter sørover er det som skal utbetrast. Her er det knapt nok plass ein til bil, men no har arbeidet teke til med å laga gang- og sykkelveg på strekkja.

Når arbeidet er ferdig utpå våren ein gong vil det vera kome fortau, ein sjuhundre kvadratmeter stor natursteinmur og utviding av vegen.

Sist veke byrja entreprenør Gunnar Røsseland med avgraving av fjellet og boregeita har alt hatt ei økt i fjellnabbane.