Sprengt kapasitet

Tysnes kommune vil måtta sjå på alternative og mellombelse løysingar fram til den nye barnehagen på Gjerstad er ferdig.

Grunnen er at frå 1.januar har born som fyller eitt år før utgongen av august 2009, rett til barnehageplass. Plassen må vera disponibel i løpet av august.

Barnehagerettleiar Lena Epland Sløgedal seier til Bladet Tysnes at det tyder på at det vert ventelister. – Det er særleg Vågsmarka og Myklestad barnehagar det er press på. Der er det heilt fullt i dag. Det same gjeld Onarheim og Lunde, seier ho.